By: Dr. Rodinga, USA
2012 chu USA president thlan tur kum a nih leh ta. USSR tia lam tawi Soviet Union a tlakchhiat hnu—1991 atranga khawvela super power awmchhun lo ni ta; USA ram president hi khawvel ram lal ah chuan an ‘lal’ in an ropui a, khawvel pawhin a ngaihven ber an nih hi!!
USA a president thlantlin chuan Executive Branch an tih roreltu atan a Cabinet Ministers (USA ah chuan Secretary an ti a) chu ama duh zawng, a duhdan angin a thlangin a ruat thei a, hei hian an “lal tak tak an nih zia” a tilang hle a ni.
USA Constitution in “November thla Thawhlehni hmasa berah inthlan tur” a tih angin kumin 2012 November 6 ah President an thlang ang a, an thlantlin President thar ( a ngai bawk Obama a ni thei thova) chuan January 20, 2013 ah President nihna a chelh ang a, kum 4 chhung super power lal ber a ni dawn a ni.
Hetia, “November thla Thawhlehni hmasa ber” ti a Thawhlehni an tih kher chhan hi; tun hma chuan kalvelna motor, rail, thlawhtheihna etc. ala awm lova, vote thlakna tur hmun kha ni khat or ni hnih kala hla te a ni a, a hma Pathianni ah Biak In ah an inhmukhawma (Christian deuh vek an ni bawk a), vote thlak a kal turin an insawmkhawm a, Thawhtanni chu ‘kal ni’ ah an hmang a, Thawhlehni ah vote thlakna hmun an thlenkim theih hunah vote an thlak thrin a, chu mi hrerenga Thawhlehni hi ruat a lo ni.
Kumin inthlanna ah hian Democratic party chuan President chuh turin Obama an chhawpchhuak tawh a, “Final” khelhpui tur nghakin a awm reng tawh.
Obama hi an sawiselna berte chu:
1. USA economics a tlahniam zel rih a, Obama hian a siamthra thei lo.
2. “Obama Care” an tih mai Health Care Change tur Obama ruahmanna (2008 a au hla ber) hi puitlin chi a ni lo.
3. Mipui hamthratna aiin sorkar hamthratna a en zawk.
4. Income tax leh tax dang dang hmangin mi hausa ho sumdawnna a hrekbet.
5. USA sorkar budget a ti tam lutk a, sorkar in leiba tam tak a neih phah.
Republican party (Grand Old Party, GOP tia hriat bawk) hian Obama khinga bei tur, “Final” kal tur an inthlang mek a, tunah hian mi 6 in “Quarter Final” an khel mek a nih hi!! Heng mi 6 te chu:
1. Mitt Romney (Massachusetts Governor hlui)
2. Rick Santorum (Pennsylvania state Senator hlui)
3. Rick Perry ( Taxas state Governor ni mek)
4. Newt Gingrich (Pennsylvania state Representative hlui, HR Chairman hlui)
5. Ron Paul ( Texas state Representative)
6. John Huntsman ( China ambassador hlui)
GOP hian tun kum thar atrang khan state tinah anmahni party member-te vote an thlak tir a, President atan an duh ber vote an thlak a, “Republican party member ka ni” ti zawng chuan vote an thlak thei a, hetia vote an thlak hi “Caucus, or Primary” an ti. January 3 khan Iowa state in an “sikhawng” phawt a, Iowa caucus ah hian Mitt Romney an 25% in hma a hruai a, Rick Santorum 24% in pahnihna a ni. Nimin (January 10) ah New Hampshire state ah Primary a ni leh a, hetah pawh hian Mitt Romney-an hma a hruai leh a. State tin in Caucus or Primary hi an an ei zel ang a, ka awmna Indiana state chuan May 8,2012 ah Primary a nei ve ang.
USA ram pumpui ah GOP hian palai vote 2,380 awm turin an siam a, state tina mihring awmzat leh Republican party member tam dan a zirin he palai 2,380 hi state tinah an sem leh a. Tunah Mitt Romney-an Iowa state palai vote (20), Rick Santorum an (12), Ron Paul an (3), John Huntsman vote (2) an hmu a, state tina caucus leh Prima a vote an hmuhte an belhkhawm ang a, GOP National Conference an neih huna palai kal mi 400 chuang vote an thlak a an vote hmuhte nen, vote 1144 aia tam hmu chu GOP president candidate an ni ang a, “Final” kaiin 2012 November 6 ah Obama nen “tu chak chak, tu huai huai” an ti dawn ta a ni.
Tuna GOP a hmahruaitu Mitt Romney hi Governor hlui a ni a, business company pakhat ah CEO a ni a, mi hausa tak leh economics thiam tak a nih avangin, tunlai USA mipuiin an lungkham ber “Economics tla hniam” enkawl damtu turah ngaiin vote a dawng thra hle niin alang.
9/11 an tih mai World Trade Center Osama Bin Laden ho Al-Qaida in an sutchhiat hnu (2001) ah USA mipuiin an lungkham ber chu “Ram himna, Security leh Terrorist” a ni a, President atan a huai leh rorum deuh (Bush) an thlang kha a ni a. Nikum ah Osama Binladen an that thei a, Iraq leh Afghanistan pawh a ralmuang tawhah an ngai a, tuna an lungkham ber chu “Job leh Economics” a ni a, Mitt Romney hian chingfel thei tura ring an tam deuh a ni mahna.
Mitt Romney hi sakhuanaah “Mormon” an tih Latter-Day Saints (LDS) kohhran a ni a, Christian kohhran pangngai chuan “kal sual” anga an ngaih ho an ni a. Mahse, Economics thiam a an rinna hian LDS anihna lam chu an haider thei a nih hmel a, tun ang zel a nih chuan—”A huai huai, a chak chak ka chuam ah, Obama nge Mitt Romney” kan ti mai theiin ka ring.
Dika, i ti dik e.Thlai chaw ei dawn ruaia comment han ziak hi chu a lo sual nuai zel a nih hi…
Vawin SC Boruak a hot tan riauin ka hria, Rick Perry( Tx gornvernor ni mek) a inhnuk dawk a, inhnuhdawh ruala a thu chah pakhat ” USA hian conservetive kan mamawh thu a sawi tel a, Newt Ginrich a thlawp thu pawh a sawi nghe nghe…..Tuna (4 ) la awm zingah tu tak hian maw Obama khing ang. USA Christian hruaitu-ho chuan Santorum hi an thlawp hle bawk. Mitt Romney hi tun dinhmunah chuan dinhmun tha ber angin lang mahse, la chiang lo tlat. eng tak ang zel ang maw…lo ‘ UIPUI TUI LIAN THLIR ‘ phawt rih ang.
Kan khua a newspaper pakhat nimin (Jan.15) chhuak ah politics cartoon an ziak a, Obama lem pahnih an ziak a, a lem hmasa zawk chu 2008 inthlan hma (president a tlin hma) a campaign thusawi lai ang kha an ziak a , Obama lem chungah chuan “Bush khan USA sorkar leiba 4.9 trillion meuh kum 8 chhungin a neih belh tir” tiin an ziaka, Obama an trong tir a “That’s Irresponsible! It’s unpatriotic!” tiin Bush-a a sawisel lai ni awm tak kha an ziak a.
A lem pakhat zawk ah chuan Obama vawiin a tun dinhmun a thusawi ang in an ziak a, a lem chungah “Obama-an kum 3 chhung lek in USA sorkar leiba 4.6 trillion a punbelh tir” tiin an ziak. Hemi lem zawk ah hian Obama chu an trong tir a “I need another trillion” an tih tir chher mai a….
He cartoon ziaktu “Gary Varvel” hi politics cartoon ziaktu ah chuan ka duh ber zinga mi a ni.
Obama hian president a chuh dawna a thu tiamte kha kum 3 chhungin a tihlawhtling chiah lo taknaa eng emaw thil tam tak tih chu a nei a ni. Pu Dika rawn sawi lan Binladena a that pawh hian sum tam tak chu a save tawh tihna a ni a, Bush-a leiba zawng zawng kum 3 emaw chhung leka rul zova a hlep hmuh leh nghal tur chuan tumahin an tlin bikin ka ring lo. Tunah hian an sum sen tamna ber Binladena leh a pawlte an um/beih vak vakna chu a ziawm hle tawh dawn a, an ram pawh eng emaw chen chu a thlamuang tawh bawk.
Chuvangin Obama hian thla 5-6 vel kal ta atang khan sum a zawng tan ve chauh a ni. Sum zawnga hma a lak chin thla 6 hnu hian thil tam tak a ti hman reng a ni. A langsar ber zingah chuan Indonesia a zin tum hian hna a thawk na sa hle… Europe ho thikthu chhiatna tham lawihin USA siam Commercial thlawhtheihna chu billion eng emaw zat man a va zuar/hralh a nih kha… kha ringawt pawh khan a ram chhung mi thiam ho tan hna thar nuai chuang ve a siam sak tih a ni…Chu mai a la ni lo, Myanmar chhunga a hmalakna pawh hian rah tha tak a la chhuah dawn…. USA said Democracy but all about is money or for their benefit…an ti em ni kha….ka sap tawng thiam pawh hi a dik pawhin ka hre meuh lo ve….
Obama hi a la tling zawk mai awm mang e ka tih thu a ni……..a tawng thei lutuk hi chu ka ngei tep…hehehehe
Keipawh, Obama hi a la tlin ka ring deuh tlat mai. Bush-a pawh kha a term hnihna turah khan, Binladen-a a la that si lo a, a tling leh tho ang tiin ka lo ring ve khanglang a, a tling ta tak tak a. Tun trem pawh hi Obama a tlin leh ka rinna chan chu thil dang vang ni lem lovin, Binladen-a a thah theih lawmna atana vote pe hi an tam ka ring ve leh vel a. Mawl mang deuh hian han ring hmiah mai ila, hahdam phian mai.loz,
@Saya puite, i thuziak—- “…..ka hria ve tlat” tih ahhian, “Ka hre ve tlat” han ti keuh la, a dik zawk emaw, keiaia mizo tawng thiam zawk i ni tih ka hre tho nan… ka hriatthiam dan ka han ziak keuh a nia.. sorryyyy
NC result hi han hre leh phawh i la…thil chu a lang tawhin ka hria ve tlat
tuanlhmang-a….. ‘ sutcchhiat’ tih tur em ni?’ ….
Eng tawng nge??…..
Kei zawng LalObama hi ka la ring cher cher em! Ka chuampate a nih hi,a’n trang leh tak tak ang a midang ho te chu antranhmun a pheh thlak sak zung zung mai dawn a nia. Mitt Romney hi afin hmel viau na a mahse, Lalobama khing tur hi chuan …….!
A bengvarthlak hle mai. Pu RD tun lo pawh rawn ti zel teh. Kan chuam ber Rick Perry( Texas Govenor) a che chhe tlat mai a, Mitt Romney ka chuam leh toh mai a ni ang chu. In thlanpui ah pawh Obama a tu-dawl mai theiin ka ring tlats.
NH zo ta bawk a, han thir zel i la…
Tuanlehmanga-a, Ka lawm e. Ka “Su” leh “Chhu” hi ka ziak sual fo va, ka fimkhur tawh ang.
Michael, Duhlian-Mizo lehkha ziak ah T leh t a hnauaia chhuthang awm chi hi computer-a type hian awl takin a type theih mai a ni lova, “T” leh “t” a hnuaia chhuthang awm ka ziak hian “Tr” “tr” tih ka hmang mai a ni e. He issue hi sawi tur a tam vio anga, “Style” thar ah ngai mai ila.
A tha e. . . Mahse Mizo tawng i ziahdan hi rilru min khawih deuh a chuchu, “Tha” tih na ah “Thra” ti a, “Thin” tihna ah “Thrin” i tih hi eng nge a chhan min han hrilh thei la ka lawm vivo ang…. Duhlian tawng ngaina tu…………..MC
a chiang kelhkawlh hle mai…..
A bengvarthlak hle mai. Paragraph 11-na, tlar hmasa bera “chhutchhiat” tih hi “sutcchhiat” tih zawk tur a ni e.