By: J. Khuma, Tahan
Communitarianism chu enge?: Communitarianism chu, “Mipui a huhova chenga thil tih khawm dial dialna leh inhriattawnsak tel telna hi a ni,” ti ila a sual tam lovang. Keini Zofate chen (khawsat) khawm dan hi communitarian style dik tak chu a ni. Thil a huhovin kan tikhawm tel tel a, kan inhriatpui vel vek a, kan innel em em mai bawk. (more…)

By: Lalthuamliana, Tahan
“Ngai teh u, tun hi hun lawmawm chu a ni” (2Kor. 6:2b)
Hun leh Nun: Hun leh nun hi inzawm tlat, then hran theih hauh loh an ni a. Nunna
awm lohnaah hunin awmzia a nei lo. Hun ti-hun-tu chu nunna a ni. Tun hun hmangtu zawng zawngten kan hman theih chhan chu kan la nun vang a ni a, chumi hrethiamtu tan chuan tun hi hun lawmawm chu a va ni teh lul em! Chutichuan, hun chu nunna tluka hlu a lo ni reng mai. (more…)

By: Dr. Lianhlupuii (Puitei)
Zofaten Zu kan tih mai Alcohol hi mihring tan damdawi lama a thatna a tlem teh lul nen, taksa leh thluak lam a khawih pawi theih em avangin fimkhur a tul a. “Beer te chu Zu a ni hlei nem”, kan han tithla ngawt mai thin hi a dik lo a ni.

Zu kan tih Alcohol hi Beer-ah 3-6 %, Wine-ah 10%, Port-ah 20% leh Spirit-ah 40-50% a tel a. International level-a, taksa tan pawilo tawk zu in duh chuan Pure Ethanol an tih chi mipain 60g leh hmeichhiain 30g aia tam lo in theih a ni. Keini Zofate zingah hian Zu thatna hi sawi han tum chiam mah ila, taksa a khawih pawizia leh khawtlang a tihbuai em avang hian fak a hlawh lo khawp mai. Zu-in mihring a khawih pawi dante han thlir ila: (more…)

Retold By: Gabriel Kunga, Tahan-Satawm
A Hla: He hlathu hi Thuthlung Thar hmun thum atanga lak an ni: A lakna bung leh chang te chu ***Thupuan 19:6, 16, leh 11:15 te an ni. He hla phuahtu—George Frideric Handela hi chuan The Messiah (Messia) tiin he hla hming a siam kha a ni a. A phuahtu hla hming pek (The Messiah) leh mipui hriat lar tak hming (Hallelujah Chorus) te hi hla hran sawina ve ve emaw an ti chawk. Handela Messiah hi tharthawhlehna chanchin a lo ni reng mai. Krista nun leh a thawhlehna thu Bible-in a sawi chanchin a ni a, lar chuai tawh hnua Handela rawn kir lehna chanchin a ni bawk. He hla leh “Joy to the World” te hi Handela hla siam ropui berte an ni a, Krismas boruak apiangin sak an lo hlawh thin. (more…)

By: Chhiarpuiliana Hmar, Tahan
He khawvel tlawh tura lo zin tawh phawt chuan zinkawng zawh tan ni neiin, tawp hun kan nei theuh dawn a, kan zinkawng erawh chu a rual lo hle thung ang. Piantirh atanga mitdel-te an lo zina, an zin kawng tluan chu thim zingah hlir an zawh a, chutiang bawkin tawng thei miah lovin he khawvelah dam chhung nun hmang ral turin an lo zin bawk a. Chung mite tan chuan thim hi hmelma lian ber ani a, ni tla ngai lo zion khawpui chu an tan a hlu leh zual ngei ang. (more…)

By: Zalianthanga,Tahan
Thuhmawrhmuh:
Tlawmngaihna hi Mizote chauhin nei ang hrima sawi an awm thin. A dik thui hle na a, he ‘chhungril thatna dan’ hi mihring ze rila bet tlat, mite tanpui duhna thinlung a ni a, hnam tinin an nei ti ila a sual tam awm lo ve. Amaherawh chu kan chet tlatna mual azirin uar bik leh hlut bik kan awm a. Hnam dang nunphung nena khaikhin ralah chuan Mizote hian kan uar bikin kan chawivawng hle niin a lang. Chumi a lan chian em emna chu he tlawmngaihna hi kan chenna ramri kan pelh rual hian hmuh tur a vang pharh zel. (more…)

By: Lalchhawnzova,Tahan
Kut hnathawh chungchang hi kan ngaithlain lekhabu hrang hrangah kan chhiar fo ngei ang. Kan hriat bel hleihlui leh sawi hlawh tak pawh a ni. Mahse, tunlai thalai zir sang tak tak leh intichangkang tak tak te, hausa tak tak te nun han thlir hian kut hnathawh hian hlutna a nei lovin kan ngainep hle niin a lang. (more…)

By: Lawmlianchuanga,Vaphai(Tahan)
Kan Bible-ina mizia chhelailetder a tih chu hai rual lohvin keimah hi ka lo ni reng a. Ka mizia atang hian ka mize puite an awm ve dah law maw tiin beiseina sang tak neiin ka intarlang ta a ni. Thiante kuta rul man ka thiam riau va. Ka tih duh loh, ka ngam loh, thu ka neih theih lohna chinah chuan thiante ka hampuara ka tihtir thin. Thiante dem ka hlau va, thu chiang tak pawh hi a ni’ ka ti ngam mai ngai lova, mai thei ka hmang thin. (more…)

By: J. Khuma,Tahan
A thenin tih loh theih loh nia kan ngaih avangin kan inkhawm. A thenin inthuamna mawi tak atan kan hmang. A thenin miin inkhawm lo chu sakhaw mi lo an ti si a, tiin kan inkhawm bawk. Pathian thu ngaithla tur leh Pathian nena mipui a huhova inpawlna hun pawimawh a nih vanga inkhawmte chu a tidik pawl niin, a tlem erawh kan tlem deuh mahna.

Eng vang pawhin inkhawm ila, a theology kan man fuh lovang tih erawh a hlauhawm. Inkhawm hi eng nge? Infuih tawnna a ni a. A fuihtuate, thuhriltute leh Sande School zirtirtute hi an famkim bik e, tihna phei zawng a ni chuang lo. Rawngbawlna tur field leh kan nitin nuna kan tih fuh loh lai leh tihdan tha zawk nia kan hriat tharte (more…)

By: Dr. Lalchhuanawma Tochhawng
Thangthar hi chu an vannei teh e! Tun hmaa kan ngaihtuah phak ngai loh, world record siam thei turin hun remchang tak mai an han tawng bik a nia le. Thil sual ni si lo, zahthlah ni bawk si lo, kan hnam thil ngei hmanga world record siam hi a hlu a. Cancer vei tam ber nih ai chuan ropui tak a ni. (more…)

Zirtirtu zahawm tak,
Ka fapa hian mi zawng zawng hi an insawi ang hehuin an awmin an fel famkim vek lo a ni, tih hi a hriat ka duh. Mi tenawm ho awmkhawm zingah hian mi chhuanawm tak tak an awm a, Politician tawmkailo zingah pawh hian ram hruaitu tha tak an inphum thin a ni, tih hi zirtir ang che. Hmelma te zingah pawh hian thian tha an awm a ni’ tih hi zirtir la, a hun a daih (duh? Ed.) rei deuh dawn tih chu ka hria. Mahse i theih hram chuan chengnga chhar aiin chengkhat thawhchhuah hi a hlu zawk a ni, tih zirtir ang che. (more…)