By: K. Malsawmtluanga, Bualpui “N”
Tlawmlak lamah pawh ka ngai lo. A hnen atangin thil tha tam tak ka chhar chhuak ve tawh muai a ni. Nitin nun kawng dik leh tha lama min kaihruai thei kawppui Lalpa’n min lo pe hi ka vannei tak zet a, kum hnih em pawh kan la hmang ral dun lo chung hian amah atanga ka thil zir chhuahte hi a langsar zual ka’n tarlang ve reng reng teh ang. (more…)

By: Estheri pa, USA
Danglamna awm lovin hma a sawn theih loh avangin hmasawn kan duh a nih chuan kan thil lo chin thin tamtak chu tihdanglam a ngai dawn a ni. Pawmdan neisain kan pawmdan chauh thaa kan ngaih chhung chuan hma kan sawn thei lo vang. Thinlung a, hnungtawlh mi chu a ma duhdan a kalh thin a ni (Thuf:14:14). (more…)

By: Lalthakimi, Israel
Israel rama an tih dan, Mizoram lama kan unaute’n lo hre ve se tih deuh deuh ka nei thin a, ram inawpna fel leh khawtlang nun inkaihhruaina tha tak tak hi midang hriat ve atan leh tih ve atan a awhawm duh khawp mai. Khaw’nge, Israel rama mi in luah chungchang vel, an tih dan hi i’n sawi teh ang. A tlangpuiin keima tawnhriat ka’n sawi ang e. (more…)

By: Zalianthanga, Tahan
He tawngkam hi Mizo tawng-lerh (slang) chi khat zinga mi a ni a. A awmzia erawh chu sawifiah dawt theih a ni lo, a hnam a zau va, zalen taka hman theih a ni mah zawk. A lam dan thuah chua ‘Ar ek’ tia lam angin he ‘suahbuah’ hi lam tur a ni. He tawngkam hi thianpa Biaktluanga’n Zotlang (Champhai) khua atanga a rawn pai haw a ni a, tha riau a ka hriat avangin a hman dan thu hlaah chi hrang hrangin kan han suahbuah ve dawn a ni. Fuh tak maw! (more…)

By: Gabriel Kunga, Tahan-Satawm
1. Hruaitu chu tunge ni?: Pawlho hruaitu chuan tum (target or goal) mumal tak a nei a, chumi lam panin mipui a kaihruai thin. Hotu ang chauhva inngai erawh chuan pawl thiltum chu a ngaihthah fo va, ama duh zawng lamah mipui hruai a tum fo thin. Hruaitu tak erawh chuan amah ngeiin pawl thiltum panna kawng chu zawhin thil a ti thin a, chumi kawng ngeiah chuan amah rawn zui ve turin mipui a hruai thung a ni. Tin, pawl thil tum leh motto-te (goals and purposes, aims and objectives) chu mipui hnenah chiang leh fiah takin a hriattir (communicate) thin tur a ni. (more…)

By: Vanlal Zawma, UAE
South East Asia leh Middle East ramahte zin kualin ka cheng ve thin a. Ka kal ve phak chin ram hrang hrangahte chuan February thla hi sik leh sa lamah boruak a thengthaw nuam em em mai a, mi zawng zawng pawh an damin an hlim hle thin a ni. Thlasik vawt lutuk leh hit lutukte a ziaawm tan tawh a, Nipui thawk hma chiah a nih bakah ruahtui hul lai tak a lo ni bawk nen thlichhia leh ruahpui hlauhawmte a awm lohvangin ram hnuaiah chak chitin reng dapa riah chhuah hun a ni. Thingtlang lo hnathawktute tan pawh awl len hun lai tak a nih angin khawkhat leh khawkhatte in thlawhpawhin unau an in kan kual thin a. Thenkhate tan nupui pasal zawnna hun rem chang tak pawh a ni bawk. February thla hian mi zawng zawngte tan hlutna tam tak a nei ngei ang a, tuntumah chuan keima mimal nuna a hlutna leh awmzia thuk tak a neihnate chauh ziak lan ka tum a ni. (more…)

By: Kawlthangpuia Hmar, Tahan.
Rokhawlhna rokhawlh tak avang leh remchan lohna remchang takin min tlakbuak avanga kum 1996 atanga Malaysia kal tum chuan beidawngin ka pianna,ka ngaih em em thin,kawlram Zofatena kan khawpui-Tahan lam pana haw leh hne hne a tul ta si a….Kan kal dawn khan chhungkhat laina,then leh rual,kohhran ten min thlah ve thlap si a,kan tum ram thleng lova hlawhchhama haw ka hrehzia kha!!Khatih lai khan theih sela chuan khuk chem chema ral riai riai hi ka chak a,mahse,a theih si lo.Kan tihtheih tawk chu ram danga kal tumte thahnemngai taka fuih kha a ni mai a..Khatih hunlai zuk ngaihtuah kir chuan k’u Sawma of USA hova “Breaking Heart” kan sukpui tluk tluk te kha kan zep tel mai mai ang e..A ngaihawm ve alawm le. (more…)

By: Denbawihi, UAE
Ka thiante u, ka buai rukna ka han hrilh ang che u. Ka taksa bung hranghrangah hian ngei deuh mai pakhat ka nei a, chu thil chu ka control theih loh leh ka thu awi lo tak, ka THINLUNG hi a ni. Mi/thil pakhat a hmangaih em avangin ka rilru a ti mangangin a ti rum thin na. Chu mi a hmangaih luat avang bawkin ka vanglaini zawngte’n zamual min liam san ta. Ka hmelma ber chu he ka thinlung hi a lo ni. Eng vang tehlul nge ni ang he ti fakauva a lo hmangaih hi le!! (more…)

By: Chhiarpuiliana Hmar, Tahan
Kan nitin khawsakna leh thawhhonaa kan hman rim ber chu “A pawi lo ang” tih hi a ni awm e. Hei hi kanhmam pum zia puitlin lohna a ni. Engkimah a bul atanga a tawp thleng ziktluak taka thawh a tam lo hle a, khuareiah a pawizia a lo lang thin. Khawvelah hian ngaihsamna avangin rel te, thlawhna te a chesual thin a, mi tam takin nunna an chan phah tawh a ni. (more…)