By: Vanlal Zawma, Abu Dhabi, U.A.E
Tunlai kan khaw boruak ka han share ve mai mai ang che u. Middle East lama lo cheng thrang tawh tan chuan thil ho tak pawh a ni mai thei a, kumin hi ka kum khatna chauh a la nih avangin ka tan chuan thil thar tak leh dangdai tak a ni a, thian then khatte Middle East la thleng ngai lote tan phei chuan thil dang lam tak a nih ve ka rin vangin ka han thei kawi mai mai ang nge. A hrechiang zawk leh lo cheng rei deuh tawhten an rawn chhunzawm ve lehzel ang chu. (more…)

By: B. Zarzoliana, Malaysia
Tun hmate ngaihtuah chuan chhungkua leh chhungkaw indin tum mek te, kan awm ve ta nual a, he tiang lam thuziak lo thawh pawh a inthlahrun thlak fahran bik lo vang chu aw.

Chhungkua tih hian a huam zau hle a, kawh chi hrang hrang a nei. Bible-a kan hmuh danin Hnam pumpui sawi nan Israel chhungkua an ti a. A dang leh chu Thlahtu bul sawina—Davida chhungkua an ti leh a. (more…)

By: Sanghmingthanga, Myohla
Thuhma: Khawvel timawitute chu tute nge tiin inzawt dawn ta ila hming hmera sawi fak tur a awlai lo mai thei. Ni tina kan hmuh leh kan hriatte hi anmahni zawn zawnah mawina (beauty) nei vek an ni a, a hmutute hmuh dan azirin a danglam mai chauh a ni. Mawina kan tih hi amah chauhvin a nihna a famkim biai mai lova, a phena awm thil eng emaw timawi lotu hian a timawi zual zawk a ni. Chu chu khawvelin a ken tel liau liau a ni a, tlem azawng i han thur chhuak dawn teh ang. (more…)

By: Tv. Lalramlawma, Russia
CZZ: Russia ram khawpui Moscow hian chanchin sawi tur tam tak a ngah hle. He khawpui rawn in dinchhuahdan kim taka ziak tur chuan lehkha hmai 2 /1 vel maiah a leng dawn lova. Chuvangin, a tawi zawngin ka rawn ziak dawn a ni. Ziah hmaih tam tak a awm ngei ang tih pawh ka ring. Amaherawhchu, a hminga a hmun ngeia awm nih takah chuan website atanga ka chhiar leh keima hriatdan te, ka theih ang tawkin ka rawn thailang ve a ni e. (more…)

2008 YZTP DVD a, “Tuar Hram Hram Ang” tih Pu Lalzidinga hla phuah hi a satu Nl.Lalpanliani (Pantei) khan a nih dan tur dik takin a rawn sa a, ka rilru a hneh hle mai a, mahni insit chung chungin leh mi thiam zawkte cho chhuah nan ka rawn thai pawr vel dawn a ni. A ziaktu thinlung ka phawk zo chiah lo a nih pawhin ka thlirna tlang atang ka hmuh dan leh keimaha a thawh ven dan a ni miau si a, min lo hriatthiam pui hram dawn nia. (more…)

By: F. Lalrammawia, Pingkhung
Kan Hriatna Ro Bawmah leh Kohhran Magazine thenkhatah Mizo tawng min zirtirtu an awm fo va. Chuti chung chuan Mizo tawng hi kan thiam hlei thei chuang lo zawng a ni ber a. A awlai lo va, a harsa ve ngang zawng a ni chek ang! Eng hnam tawng pawh hi a tha vek a, hmuhsit tur tawng reng reng a awm lo. Thiam tam theih a chakawm vek mai. (more…)

By: Joseph Saia, Qatar
Huivalenthiam: Zofate pawhin hrilhfiah ngai lo khawpa tlangnel tawh Sap thumal kan nei tam ta hle mai a, tun tuma economic sanction tih pawh hi kan tlangnel sa tawh a nih avangin kan hrilhfiah zau tawh lo mai ang a, a tawi thei ang bera sawi chuan; Civil Rights leh Human Rights ngaipawimawh lo leh International dan zawm duh lo ramte chunga hremna pek, ti mai ila kan fiah maiin ka ring. (more…)

By: Vanlal Zawma, U.A.E
Huivalenthiam: Post office atanga ka thil fun dawn chu phur takin ka hawng a, a chhungah chuan YZTP 2008 DVD mawi tak mai a lo awm nual a. A hmel leh a pianhmang ka hmuh phat atang khan hruaituten hma an sawn zia min hriatchhuah tir nghal a ni. En hlan nghakhlel tak chungin In lamah ka hawn ta nghal a. Ka duh lai lai ka rawn play ve mai dawn a ni. Ka duhthusam lohna laite pawh ka sawi tho bawk ang. (more…)