By: Vanlal Dika, Canada
Huivalenthiam Debate, 2009 chu thla hnih chhungin hlawhtling taka zawh fel a ni ta. Debate hunpui hi kan Secretary Pu Vanlal Zawma’n hneh takin a kaihruai a, sawitu leh hnialtute pawhin an hun zo takin an hmang bawk a, endiktu—Pu Lalhruaia-USA, Rev. Dr. Rodawla-USA, leh Pu Zonunmawia-USA (Debate endiktu leader)-te pawhin ramritiam angin chik tak leh felfai takin endikna an nei bawk a, a hlimawmin chhiartu member lam pawh kan thawm a ring hle. (more…)

By; RF Mawia Pa, Malaysia
Zo Kawtchhuah : Mithiamte chuan Tawng hi kum sawmnga hnuah a danglama, kum za hnuah chuan a inthlak thin an lo tihmathlawn lovin, zo tawng hi tunah eng dinhmunah nge a din tih hi kan ngaihtuah makmawh a ni awm e. Kan thupuia Mizo tawng ti lova zo tawng ka han hmanna chhan hi thil dang a ni love; helha ngaimawh tur a awm lo, a hrai a dang lo a sin. (more…)

By; F. Lalrammawia
Zofate hian ei leh bar lama kan intodelh deuh deuh theih nan chhungkaw tin ten economic kan thiam a pawimawh hle a.
Ram changkang pui puite economic lam sawi chiam lovin kan khawtlanga kan mamawh tawk te te tuntumah hian tarlan kan tum dawn a ni. Mi tamtakin economic thu an sawi apianga an hmaih fo thin chu hun hman that thu hi a ni. Economic sawi dawn chuan hun hman dan hi sawi tel a ngai fo reng a. Ni khata darkar 24 hun kan neihah hian a nilo berah darker 6 tal chu hna kan thawk ngei ngei tur a ni. (more…)

By; CT Vunga, Maryland
Dan tlaktlai lo leh mawl tak, mahse ni tina ka hman ve fo thin chu “ka ngaihve dan” hi a ni a. Ka hriat leh hmuh phak tawk tawngchham tak hmang hian tehna ki ka lo siam ve thuai thuai thin hi ka buaina chu a ni. Khawtlai tawh takah thu mu hnu kai tho lehin antam tumtel tlak thingin zut vel mai mai teh ang. (more…)

By: Lawma Fanai, New Zealand
Ka pa tan hla thlan.
watch?v=vLxVdwfDryM

“Tumbailek tumbailek” tia lawm rual lek ka nih lai atanga “Kal chhek chhek, kal chhek chhek, artui hlawh hlawh” tia ka bana min vuana kal dan zirtira, zirna bul min lo tan saktu, ka pa, famkhawpui min lawisanna kum 22 zet liam tawh mah ni se, Father’s Day a lo thlen ni te hian kawng hrang hranga i mi zirtirna te kha a tharin ka hrechhuak (more…)

By; Malsawmdawnga, Malaysia
Hun hi rangkachak leh tangkarua leh sum leh pai tam tak ai pawha hlu a ni.Mihringte hi hun chhungah hian kan cheng a, hun leh hringnun hi a inzawm tlat a tih theih bawk awm e. Hun hi awm ta lo ngawt se hringnun hian awmzia a nei hauh lovang. Chuvangin hun hi Pathian thilthlawnpek ropui tak a ni a tih theih ang. Mi thenkhatin engmah tih nan hmang lova hun an khawhral mai mai laiin, thenkhat erawh chuan thil tha tih nante, mihringte mamawh thil tangkai tak tak hmunchhuah nan an lo hmang thung a. Hun kan hman dan hi a lo va inang lo thei tak em? (more…)

By; Addie-pa, Melbourne
Kan Zopa chhuanvawrte zinga mi Pu L. Keivoma chuan khawvel kalhmang ngun taka a ngaihtuahin, “ Kan hmuh thieh aiin hmuh theih lohte hian chakna tha an ngah zel niin a lang”, a ti a. A dik viau awm e. Lungtum kan hmuh theih lian pui pui te ai hian mita hmuh tham loh Atom te lutuk puak keh chu a let sang tam takin a thawk na zawk daih a. Chemsen len mite aiin thu thiam miten mi thinlung an hnehin ram an la zau zawk fo bawk thin a ni. Dr.Laltluangliana’n “ Mi thiam leh thu ziak mite hian tuma chhuhsak theih loh ralthuam an kawl” a lo tih angin, thu hian chakna a nei tlat a, hmuh theih loh hmanraw hriam berte zinga mi a ni. (more…)

By: Mazoi, Malaysia
Kei, kawppui la nei rih lo tan sawi mawi lo pawh in lo ti mai thei a. Mahse thudik tan tur chuan tlawm velo Ropuiliani ang kha ka ni. Kan thupuiah lut nghal zung zung mai i la. Living together hi khawvel hmasawn zelin a ken tel nun phung tha lo tak a ni a. Mihring ni si a ran anga khawsakna a ni.

Keini Kristian tetan a tih chi lo hrim hrim. Nula ka ni a,ka nulat thianghlimna leh ka par mawina hi min nei hmasa ;lo a min tih chingpen tum tu chuan min hmangaih lo ang tih chu thil chiang sa a ni. (more…)