By: DRRD
USA ah hna neilo kan tam lai tak a ni a, hna thawhtur zawng kan tam em em mai a, hetih lai hian mi ropui taktak ten hna thar an zawng ve mek a ni. Pu Barack Obama, Pu Joe Baiden leh Pi Hillary Clinton ten hna thar thra taktak an hmuh lai hian an hnathawhnaa lo thawktawhte khan engnge an tih ve tak le? Khawiahnge an awm tak le? (more…)

By: DIKA
February 21, 2009, Tlailam dar 4.30 a ri fel ta a, mipui kalkhawmte chibaibukna leh hun zalen taka hmang tura sawmna, announcers Nl. Si Sii leh Pi Ma Nu te’n an neih hnuah Alberta Chin Christian Fellowship Chairman—Pu Lalkaikima Chhakchhuak-in program hlanna tawngtai a nei a. Tichuan, Pu Lalmuankima’n Salai Tawna hla, “Welcome To the CHINLAND” sain mipui min awih hnuah Pu Kap Sena’n Welcome Speech sawina hun hneh takin a rawn neiin leh 61st Chin National Day Celebration Coordinator Pu Lallianthara’n CND tobul atanga vawin thlenga CND kan hlut dan tlangpuite nen sawizauna neiin hun a rawn hmang chhunzawm a. (more…)

Internet-ah tihmualpho a nih vangin CYMA in hnamdang pawl hruaitute a kokhawm dawn.
He thu hi then khat chuan kan chhiar tawhin a rinawm, buannel dot com a mi hi a then a zar a tawi zawngin ka rawn post a ni e. (more…)

Rosangliana, Zorock tia kan hriat lar chuan a hla hlui zual deuhte leh hla thar pathum vel dah khawmmna ‘The Essential Zorock’ a buaipui mek chu a zo fel thawkhat tawh a, April thla vel hi chuan tlangzarh hman ngei a tum ta.

A album hnuhnung ber pawh a ni tawh mai thei a, amah pawhin a uluk viau (more…)

Chin Human Right Organization te hmalakna hnuaiah Chin Famine Concert chu Australia khawpui pathumah hman mek a ni a, lawmawm em em chu, he concert hi kan Mizo nula Mimi Lalzamlianin a rawn tawiawm hi a ni. Feb 14 khan Melbourne khawpuiah hlawhtling taka hun an hman zawh hnuin, Zanin, Feb 21 hian Adelaide ah hlim takin hun an rawn hmang a, Feb 28 khian Perth khawpui lamah concert neih chhunzawm tur a ni.

Adelaide-a Mizo unau te pawhin kan theih ang ang chuan Mizoram atanga kan nau rawn zin hi kan lo hmuak ve a, chawhlui kilhona te neiin a kum 19 na pianchamte kan lawmho a, kan hlimtlang hle. Concert ah pawh mipui zahnih dawn lai kan tlingkhawm a, (more…)

By: Pu Mama
Vawi 61-na Chin National Day chu tlangmi mipui 3000 chuang zet kalkhawm te chuan hlim tlang tak leh lawmtakin kan tlingtla a ni. He hmunah hian MCF (Mizo Christian Fellowship, Malaysia) hminga kal thei kan tlem hle a, Mizote fashion leh lam kan tel thei lo hi a pawi hle a ni. Program hmasaah Chin upa thenkhatten thusawina an hmang a, chhun dar 12 ah chawlhlawkna neih a ni. Dar 12.30 atang chuan Chin inthuam chi hrang hrang entirna neih a ni a. Tin, Lam chi hrang hrang 15 en tur a awm bawk a, a ropui hle a ni. Hetianga rampawna zalen taka Chin National Day hmang theih a kan awm hi Pathian ropuina ti langtu a ni meuh mai le. (more…)

By: DRRD
USA President 16-na Abraham Lincoln-a piancham 200-na kan lawmhnu chiah hian USA a historian 65-te chuan USA President zingah Lincoln hi President thra ber 1-na ah an puang.

January 20, 2009 a president nihna kalsan ta, George W. Bush chu 36-na ah an dah ve thung. Heihi USA a president ni tawh mi 42 te atrangin “tunge president thra ber?” tiin heng mithiam 65 ten an thlan a ni e. He chanchin hi USA a cable channel pechhuaktu pakhat C-SPAN in a tihchhuah a ni.

Mithiamte hian ‘tehfung’ 10 in an the a, Bush kha thefung 10 zinga pakhat ‘International relationship’ ah phei chuan a hniam khawp a, 41-na a ni a, ‘Economic Management’ ah pawh 40-na a ni!!! Tehfung zinga a tlin sanna ber chu ‘Pursuing equal justics for all’ tih ah hian a ni a 24-na a hmu pha a, he tehfung hi ‘mipui hnena hleihbik neilova rorelna’ tiin ka han Mizo trawng tir ta mai e. “Crisis leadership and vision and agenda setting” tehfungah chuan 25-na a ni thung.

Abraham Lincoln vethung chuan heng mithiamte tehfung 10 zinga 3 ah a sang ber 1-na a hauh thei a ni.

C-SPAN hian kum 8 kalta ah (kum 2000) khan president-te “tehna” hi a lo tichhuak tawh a, khatih laia 20-na hauhtu Bil Clinton chu kuminah chuan 15-na a ni chho ta a. Ronald Reagan chu 11-na (kum 2000 ah) atrangin 10-na (kumin ah), George H.W Bush chu 20-na an 18-na ah an kai chho a, Jimmy Carter vethung chu 22-na atrangin 25-na ah a tla vethung.

He “tehfung” te hmanga president thra leh thra lo tehna an siam hian mithiamte thinlungah tuna kan tawn mek thilte leh harsatna te hian ro a rel ve a, mithiamte hian chumi hrerengin “mark” an pe niin mithiam pakhat Edna Medford chuan a sawi. Tunlaia kan tawn mek leh kan rilru luahkhattu “Foreign Policy” “Managing Economy” leh “Human Rights” te hian presidentte “mark” kan pekna ah ro a rel nasa tiin a sawi.

Engpawhnise, kumin a mithiam ten president thra bera an thlan chu Abraham Lincoln a ni phawt a, ani dawttu te chu:
2-na George Washington,
3-na Franklin D. Roosevelt (FDR),
4-na Theodore Roosevelt, leh
5-na Harry Truman te an ni.
He’ng president 5 te hi kum 2000 ah pawh khan president thra ber 5 ah an lo thlan tawh te kha an ni. Kum 2000 ah kha chuan FDR kha 2-na, Washington-a 3-na an ni a.

President fello leh thra lo ber 5 an tihte chu
42-na James Buchanan
41-na Andrew Johnson ( Lincoln an thah avanga president kha a ni a, ani hi Senate in president nihna atranga an ban “Impeach” awm chhun a ni. Nixon kha chu Senate in an ban dawn tho tho tih a hria a, amahin a bang a)
40-na Franklin Pierce,
39-na William Henry Harrison leh Warren G. Harding (president 2 an ni).

He tehfunga tehna hi December, 2008 leh January 2009 ah an buatsaih a ni.

By: Puibawiha.

Feb. 9, 09 khan Dalai Lama chu honorary citizen of Rome nihna pek a ni. He mi chungchangah hian China sorkar chu a lawm lo hle. Kum 2006 khan Honorary Citizenship of Canada pawh pek a lo ni tawh a. (more…)

By: Sanga, Mandalay
2008 YZTP Welcome December kha kan hruaituten tlawmngai takin Zoin-ah Youtube kaltlanga en theih a, Video an dah kha Burma rama awm kan member pui zawng zawng ten i han ti hial teh ang, an en thei lo a. Chuvangchuan, an en ve theih tur photos tlema zawng ka rawn post a ni e. Kan ram atanga Youtube a en ve theih loh hi a buaithlak thei khawp mai, a pawi a ni ber e. En ve theih hun a la awm ang chu. A theih hram chuan kan zaa kan en theih a, thiante nuih ruala kan nuih ve theih nan kan hruaitute hian youtube lo deuhah a tih dan kawng rawn zawng thin tawh se chuan a lawmawm ngawt ang le. (more…)

Washington : US Mipuite Chawk Zangkhai Nan $ 790 billion Hmang Dawn
White house leh Congress te chuan America mipuite dinhmun siamthat leh nan $ 790 billion hman chhuah an remti tlang thei ta. A rei hmain president Obama chuan nemnghehnan hming a ziah hnan ang a, an hmang tan hem hem mai dawn a ni.

He sum hmang hian hna million 3 chuang lai siam turin project siam a ni a, a zatve dawn lai chu hnathawktute chhiah chawi chhawk zangkhai nan hman tum a ni bawk. Hetianga White House leh Congress inkarah thutlukna a awm thei ta mai hi president Obama chuan lawmawm a ti in,” he sum hmang hian kan ram hliam tuar hi kan tidam ngei ang tia sawi pahin, an thuchhuak lawmna (celebration) 3.5million hman a tum thu a sawi ri zeuh bawk.

US : President Chunga Thilthalo Thlen Tumtu Man
Thawhleh ni khan Alfred Brock, 46, chu US president in bulah president chunga thil thalo thlen tum nia an hriat a vangin police ten an man thu Senate thupuangtu chuan a sawi a. Alfred-a hian a mawtawrah rifle phur chungin president Obama chu thilpektur nei angin a insawi a, capitol kawtzawlah chuan rinhleh vangin an lo man a, tawkfang an dawp hnuah chauh silai a ken thu hi a inpuang a ni. Tuntum hi US president thah tumtu an man tumlina a ni ta.

Australia : Kangmei Vanga Thi te Pualin Ram Pumin Sunna Hunserh Hmang Dawn
Australia kangmei vanga mithi zat, Feb 12, nilaithawhtan ni thlenga an chhiar theih zat chu 181 a ni a, mithi zat hi 300 lai an tlin an hlauhthawn thu thuneitute chuan an sawi a. Prime Minister Kevin Rudd pawhin kangmei vanga thi te puala rampumin sunna hunserh hman a nih tur thu vawiin khan a puang a, a ni leh hun tur pawh puan a nih tur thu a sawi bawk. Australia sawrkar laipui chuan Council of Chhurches te nen he hunserh hmanna tur thuhlaah hian hma an la kawp dawn a, “ram pumin he sunna hun hi kan ngaihpawimawh tak zet a tul a ni”, tiin Prime Minister hian a sawi a ni.

February 7, Inrinni atanga kangmei chhuak tawh kha a ni a, mei sipai te hian hmun tamtak chu an thelh rem tawh a, mahse vawin nilaithawhtan ni thleng hian Victoria velah hmun 35 ngawt a la kang hluah hluah bawk a. Nilai ni thleng khan mi 500 chuang chuan kangmei vang hian hliam an tuar a, in 1,000 vel a kang ral tawh bakah, sang tamtakin an in leh lo an tlansan a, ram leilung 365,000 hectares ( 901,935 acres ) hial a kang tawh bawk tiin Australia Associated Press te chuan an puang a ni.
Thulakna : Associated Press via MizoKhawvel