Tokyo/AP: Vawin, April 26, 2008 hian Japan rama awm Burmami 15o vel zet chuan Burma ram pawna khawsa zawng zawngten Sipai sorkarin a ram dan bulpui a duan tharnaa vote an thlak ve theihna turin Tokyo khawpui chhunga Burma Ambassy kawtah kawng an zawh a. Japan police te chuan kawngzawhho chu umdarh an tumna aleiah Burmami pakhat chuan police pakhat hmaiah kut a lo thlak a. Buaina nasat takin a chhuak a, mi 12 te chuan hliam na takin an tuar a ni. Police kutthlaktu kum 41 mi hi Japan rama hun rei tak lo awm tawh a ni. (more…)

Washington/AP: US Senate chuan tunhnai mai, April 24, 2008 ah Burma ram atanga Democracy Auchhuahpuitu—Pi Aung San Suu Kyi-i chu Congressional Gold Medal, American Sorkarin Civilian ho hnena Chawimawina Lawmman sangber a hlan thin chu hlan turin thu a thlung fel ta diam mai. Tin, The House of Representatives chuan kum kalta December 17, 2007 ah khan he Chawimawina lawmman sangber hi Pi Suu Kyi-i hlan turin an lo nemnghet tawh nghe nghe a. Nimahsela, chu chu tumtuma Senate lungrualpuina hnuhnung ber vote nena nemngheh fel a ni thung. (more…)

Kumin Chin National Day leh Chapchar Kut urhsun taka hman tum thian thenkhatte’n Chheih lam leh a hla min rawn dil a. Mahse, kawl ka lo nei bik si lo a, pawi ka ti hle. Anni lah khan Zofate nipui lawmna meuh a, pawngsen lama Chheih lam leh a hla han khukpui kha an ngam ta bik lo lehnghal kha pawi ka ti lehzual a ni. (more…)

By: Pu Vanlal Zawma, ZOIN Chairman, 2008
Kumin, 2008 Thingyan (Water Festival) chu kum dang aimahin mipui an pungkhawm tam emaw tih hial turin an urhsun hle a ni. Mandard sa tur ngawt pawh hian Municipal hnenah Tax tam tak chawi a ngaih avangin minazawngin tui thehna mandard an sa hlei thei lova, company lian deuh te leh mi hausa tangkhawm chauhvin mandard an sa thei a ni. (more…)

By: Pu Vanlal Zawma, Zoin Chairman, 2008
Yangon, April 12, 2008 tlailam dar 5:00 ah khan Kawl (Burman) hovin an nghahhlelh em em, 2008 Water Festival (kawl kum thar) chu Yangon khawpui—City Hall Mandard atangin Mayor Aung Thein Lin-a’n a hawng a, hlim takin tui an intheh tan. Chuan Kyaw Mandard hi Yangon khawpui laili tak Pansodan Street-a awm a ni a. Yangon khawpui chhunga Water Festival mandard zingah chuan a lian ber a ni. (more…)

ZOIN Website hi khawvel hmun hrang hranga khawsa Zofate’n kawng chi hrang hranga inhriatpawhtawnna tha kan neih theih lehzualna atana ruahman ni mahsela, thu-leh-hla lamah a enkawltute hian kan thawhhlawk lo hle hi inthlahrun a na duh khawp mai. Kan tlinlohnaah then-leh-rualten mi inhriatthiam kan tul tak zet a ni. Hei le, Chin State North lama khaw thenkhat thlalakte leh an chanchin tawi—2007&2008 HLCA buatsaih Calendar-a an ziak atanga lakchhawn hi hriatzauna atana rawn phochhuah a ni. Ed. (more…)

By: Zualtei, Mandalay
Burma ram ziakmi zinga mi hmingthang tak—Ludu Daw Amar-i hi chhiarmite chuan kan hretlangin a rinawm. April 7, 2008, Local time 8:37 AM ah lung natna avangin Mandalay General Damdawiinah kum 93 mi niin a boral. April 9, 2008, Local times 10: 00 AM ah anmahni kawl danin meiah halin an vuiliam dawn a ni. A pasal, Ludu U Hal nen fa 5 an neiin tu pawh 6 an hmu. A ruang hi a fanu Dr. Daw Thanyinmar inah dah a ni. (more…)

Tunlai Iraq a zofate (Chin, Kuki, Mizo, “Zofate”) Sipai, chetdan tlangpui leh Pu Hu-a video clips.
Pu Hu (Falam-Laimi), Tunlai Iraq rama an chettlatna chungchang an zawhna atanga a hrilhfiahna te a ni e. A trawng hi a zavaia lehlin a ni lo a, Cover nan maia lehlin a ni. Mi tam takin Iraq-a raldoa in awm hian engtinnge in khawsak dan tlangpui tia an zawhna leh a chhanletna te..etc. (more…)