By: Khalhliana, Sumkawltu, YZTP
2008 Sweet December hmuahna Concert leh Fashion Show, YZTP (Yangon Zofa Thalai Pawl) ten an buatsaih tur thu kha, kar hmasa lamah ZOIN-ah hian kan rawn tlangaupui tawh angin, Inrinni (November 29, 2008)-ah Pathian kaihhruaina azarah hlawhtling taka hman a ni ta.
Hetianga, YZTP huanga ka rawngbawlpuiten an ngaihtuahna leh an hun hlu tak te an sen bakah, sum leh pai te pawh thahnem tak senga Function lian tham tak, kuminah an buatsaih leh thei hi a lawmawm tak zet a, YZTP huanga ka rawngbawlpuite leh kan memberte hi an fakawm tak zetin chawimawi pawh an phu hliahhliahin ka hre thin. Khai le, a hnuaia tarlan ang hian Report tlangpui leh hmawrhmuhna Video Clips kan rawn vawrhchhuak e.
I. Hun hmandan tlangpui te:
1. Hunpui hlana tawngtaina leh 2008 YZTP Hruaitute inhmelhriat tirna
2. Music leh Zohnahthlak Zaithiam taktakte Concert
3. Zofate Zinga Lam Thiamte Inlantirna
4. Zo hnahthlak Unau Zinga Nula leh Tlangvalte Fashion Show
5. Naupang Fashion Show
6. Puitling Fashion Show
7. Mipui Zawngzawng Hlim Tlang Taka Zaikhawm
II. Concert leh Fashion Show entur tan ticket zawrh a ni:
Ticket zawrh dan:
1. Ks.10000/-
2. Ks. 5000/-
3. Ks. 2000/-
4. Ks. 500/-
III. Concert leh Fashion Show Neihna Hall leh Hman dan Tuihnihna:
Concert leh Fashion Show hi 2007 kum chhunga Khawvel pum huapa Hotel Service tha ber nihna lawmman lo dawngtu Hotel—Yangon Strand Hotel Hall-ah hman a ni a. Tin, duan lawk angin Chhun Dar 1.00 atanga tannin Tlai Dar 5.00 ah kham lo tak chunga hun khar a ni a. A ni, kumin zet chu Burma Rama Zo hnahthlak Zaithiam lar tak tak atangin, Sungtinpari, Zosangliana(BoBoHan), Sanpi, Suu San, Gospeli, Zo Rebecca-i, Daisy, Pantei, Lallianzuala, Ruata (Saw Buaa) te leh T. Melody Lead Singer Lalnunsanga te an ni a. Tin, Music Instrument lam pawh duhthusama tha Song System hman a nih bakah T. Melody Guitarist–Thanthawnga, Drummer Maatoo, Bassis Pho Pyong te leh Second guitarist Solomon-a te’n maktaraa mawi em emin an tum rawn a, a pui hle.
Tin, Zo hnam thuam thenkhat kan Nula tuaitharte’n lantirna an neih chauh ni lovin, Fashion Design hrang hrang chi 20 vel zet pawh kan nula leh tlangvalten entirna an nei bawk a ni. Thlirtu mipui ti haw haw dur durtu Nuho leh Paho Fashion Show mawlh khian a sin ti ropui chu, chutihlaiin naupang ho pawh an bangbik lo, an duhawmin hmathlir an tinuam em em a ni. Hetia, Yangon Hotel lar ber chhunga Hall lian berah Chhimtu mipui kan leng lo hi a ropuina tilangtu pakhat a niin thutna chang lo mipui tam tak kan awm kha a pawi tak zet a ni. Chutiruala a remchan anganga Hall pawn lamah hun nuam an lo hmang ve tho khan a ti ropui lehzual a ni e.
Tlangkawmna leh Lawmthu:
Awle, rokhawlna dang a awm loh chuan kum thar (2009) lamah kumina kan hun hmandan hi DVD/VCD in rawn vawrchhuah leh tum a ni a, Video Quality pawh duhthumsama tha ngei tura buatsaih tum a ni. Tin, kum danga kan VCD/DVD chhuak tawh te, khawvel hmun hrang hranga khawsa Zofaten min lo hlutpuinaah te leh tlawmngai taka min lo leisak thin tawhnaahte mimal tin hnenah lawmthu sawi hi kan ba nasa hle a. Aengapawhnise, mimaltin hnenah ZOIN kal tlang hian inchunga kan lawmthu YZTP hmingin kan sawi a. Tin, a hmuna khawsa Zofate pawhin kawng engkima min tawiawm thinna te, Music tumtute leh Zaithiam hrang hrangte bakah Fashion lama sawngbawltute leh Hunpui hmanna atana apui-a-panga hlim taka min tawiawmtu zawng zawngte chungah pawh kan lawm zia hi sawilang lo thei kan ni lo a ni.
Tin, na kum lama DVD vawrhchhuah kan rawn tumnaah pawh hian tlawmngai tak leh khawngaih taka min lo leisak leh kan beisei tak meuh meuh a. Hetianga Function lian tham tak mai YZTP -in ropui taka a buatsaih theihna hi in thlawmngaihna zar tak tak a ni e, tih hi ka thutlangkawmna leh ka lawmthusawina chu ni se. Ka lawm e.
PS: Kan hotupa, ZOIN Asst. Web Master, Pu Mama tia kan kohduat—Pu Khalhliana of 2008 YZTP Sumkawltu’n a hun chep tak karah khawvel ram hrang hranga khawsa Zofate’n kan thlir ve theih turin hetianga Video Clips a rawn vawrhchhuak thei leh an hman dan tlangpui min rawn ziah sak thei hi a lawmawm tak zet a ni. Tin, Video Clips khi Youtube kaltlanga hlanchhawn leh anih avangin a fiah lo em em a, a pawi tak zet a ni. Thlirtute hriatthiamna kan dil e. Ed.
*******************************************
Õoo… Ahnunga lam lawp lawp inhan discus tak ah chuan, kan mizo hnahthlak diktak nih na hauh ve thlap tu, S.p pawh a hnunga lam lawp lawp te khan a ni lawmi se se na dawng zeuh zeuh thin ni? A tha lo ka tih na phei zawng a ni lo e. Khawvel kan ti famkim a ni ve mei a lawm ti rawh u.
Riap riap mei a. Ka han ti tlai khawhnu ve boh2 teh ang. YZTP zarah december thlen man ahla leh heuh2 mange. Hmulthi te pawh in thlir an chak ve ngang ania nge, an ding ta uai2 mei ka ti.
YZTP Sweet Deceber2009 ka han en hian, mi ramah zawng lungleng a na e. YZTP Lalpan malsawm zel rawh se.
YZTP Sweet Deceber hmang lo chu lenglai chan kan ni reng mai. Pu Zoa ho a lam kha ti ropui tu chu a ni. YZTP Dam reng rawh se.
YZTP nge nge a ropui a ni. kan mizo insuihkhawm na atan hetiang thil an ron buatsaih leh thei hi a ropui ka ti. YZTP Pathian in malsawm zel rawh se.
Ka bula mi hian hetiang lama advance deuh hi phuihnam mamawh ve tak a ni duh a ti…hAHAHAH ngaih thiam ka lo tum ang nge.
Khai thiana/i,
Mizo Video ah a hnung a lam lawp2 ang hi kan la nei ngai lo a i en ngamloh pawh chu i ngaihthiam awm.Mahse,thil hi a thalam zawng in thlir i la,khatiang a an lam te kha man tam tak a nia,kan zofa te zing ah kha ti ang thiam an rawn chhuak ve kha ka lo chhuang ngawt a sin…Sum leh pai tam tak seng a an zir ve a nia..ngaihhlut sak hram i la….
Nula pakhat zai laia a hnunga mi pali lo lam ang lawp lawp hian min ti en tha ngam pek lova. Thil dang zawng zawng chu a tha lutuk. ka chhuang khawp mai.
2004 ah khan..”Carrie” tih hla Erope Music Group ho sak kha a tel a..He mi tih loh chu YZTP Comcert&Fashion Show ah(Tih tak tak a kan tih hnu ah…2004 hma zawng kha chu a remchan tak a vang a tih chhuah mai a ni thin)Hnamdang hla a tel ka hre lo.(In han sawi tak ah chuan ka’n tui hnih ve mai a nia..
Hei ngei hi a ni min tihlim thintu chu..
Kei pawh hnamdang zofate hla bak hi chu DVD ah lo tel lo hramhram turin
hruaitu ten han buatsaih teh u..
YZTP kan nihna a chiang zawk mahna..
A ni tak e, kumin chu Pu YZTP-a kan ti mai, Pu Zawma leh Pi YZTP-i kan tih mai, Nl. Dentei in tel lo chu a kim lo riauin ka hria a, in lung a tih len tur zia tur pawh hai rual a ni lo.
@ Zova, ka hriat sual loh chuan, Kawl hla sa chu an awm, mahse DVD ah chuan an ti tel lo ang, tiin leh Kawl hla sa ho hnenah pawh DVD ah an tih tel dawn lo thu an hrilhsa awm e. Ka hresual anih leh inngaihthiamah. DVD hi kum thar, remchang hmasa berah tih chhuah theih tum a ni bawk awm e.
A ropui vutvut hmel khop mai. zofate hla ni lo hnamdang hla a tel tawh em lovang chu.zofate kan nih chuan zofate hla ngei vcd ah chuang theise aduh awm hle ang.
Hei puitlingtak si in fiamthu inrawn siam hian a ti ropui dawn anih hi.
Hmuhhlan a nghahhleh awm tak zet ani.Music leh fashion
pawh en thuai kan chak ania.
YZTP chuan lung an ti leng a ni ber e. Hruaitute in hmel hriat tirna a ka hming an rawn lam phei kha chuan ka awm hmun atangin heeeeeee ta hi ka awm ka lo ti ringawta tumahin an hre phak ta si lova lung a leng vawng vawng a nih hi. Mittui parawl purin ka lo thlir ta ringawt a. Eng tikah tak an VCD/DVD thlir ang i maw, a nghahhlelh awm hle mai. YZTP hi ka ngaihtuahna zawng zawnga ka lo buaipui tawh thin a ni a, thil dang zawng ai pawhin ka lung min len thian, kan nu pawh a thikthu a che hial a ni aawm e…..
“YZTP par ang vulin dam reng ang che, Zofa leng zawng tan”
in rawn ti tha mai mai thin mang e. tel ve ang mai kan ni ta a lom, dvd chhuah hun tur Hngah hlel om lu tuk e.
E khai mit a tlai ngei mai leee!!a ropui tiaptiap si..hetiang fiamthu phawrh chhuaktu hi a fakawm thlawt anih hi.Mi te hlimna tur leh hmunawm tura Nuho leh Paho han chheiraw taktak hi ka pian a chin ah ka la hmuhngai loh thil ni hialin ka hria.
Mahse ka nupui tur chuan ti ngam ve tak ang maw heehee
YZTP hruaitute pawhhi an puithu reprup ngei e.An chang kangin an hmel pawh a tha..Rawn zuar thuai teh u VCD chu..a rang a rangin ka lei ngei ang.
Chhei raw!!! an va mawi siau siau em ve……nula ho hi ka hauh tops…he he….kan vanglai min ti hrechhuak rum rum….ZOIN pute ho in ti tha thei hle mai….