By: Zondina Pu, Mogok
Hnam fing leh sang zawkten an hnam tan, na sa takin tan an la thin. An hnam hming chhiat zeuh pawh an hlau em em a. An hnamin an san phahna tur a nih dawn phawt chuan hna chhia leh hniam pawh an thawk hreh ngai lo. An hnam tan tangkaina nei lo an ni emaw, ti hming thatu anni ve thei kher lo a ni thei a, ti hming chhetu nih chu an tum ngai lo. Paris ho pawh India ramah nuaikhat vel lek an awm a, Paris tawh phawt chu mi rinawm tak, an hnaa in pe zo tak vek an ni a, mi thatchhia an awm lo. Nun an uluk em em a, an thiltihah an ti ve mai mai ngai lo. An eizawnnaah pawh an hlawhtling hle hlawm a. Paris mirethei an awm ngai lo. An hnam hmusit awm taka lantir hi an phal lo hulhual a. Hnam hmeltha tak vek an ni a. Nula lah an nei thain an hmel a tha a, hnam dang duh duh thing thei dinhmunah pawh an ding. Amaherawhchu, a hmei a pain, an hnam pawna pasal nei an awm lo.
(more…)

By: Tv. Lalthuamliana, Tahan-Vaphai

“We are all part of God’s great big family, And Truth, Love is all we need”

Lekhabu thianghlim chuan, “Ngaiteh, unaute inngeih dial diala awmkhawm hi a va thain, a va nuam em…..!! Chutah chuan Lalpan malsawmna thu a pe a, kumkhuaa nunna tur chu” tiin kan chhiar fo thin. Unau pianpui neilo, fa mal nia lo seilianten unau hnihthum dih diaha awm ho dial dilate nun hi an awt em em thin a, awhawm tak pawh a ni reng a ni. Chhungkua a tipui a, a tizahawm bawk a. Nu leh pa te thla pawh a muang a, khawtlang leh kohhran tan chenin inthlamuanna thlak a tling thin. Mahse, lehlamah erawh chuan unau inngeih lo tak awmkhawm erawh chu, chhungkaw mualphona leh tlakranna kawngkhar zau ber leh hawn awl ber a ni thung. An inngeih loh phawt chuan unau an tam poh leh, an mualphona khua a sei ting mai dawn tihna a ni a, pianpui unau nei lo famal te paw’n pianpui nei lo an nihna chu vanneihnaah an chhiar phah thei hial awm e.
(more…)

ZOIN: Debate hunpui changtute thuziak kan post dan hi, a hnuai ber atang sawitu hmasa ber thuziak dah a ni a, chhiartuten kan hrethiam dawn a nia. (more…)