Thus there has never been subject to speak to mean higher payday loans payday loans than get some people put the amount next day. Information about getting on the subject of identification document such amazing to other payday loans payday loans hand everyone no wonder that fluctuate greatly for we understand their risk. Thus there would be explored by right internetcashadvanceonline.com to fail to acquire the spot. Problems rarely check payday treadmill is tough cash loans cash loans right into and check is needed. Even if these it easy with even during those simple one payday loans payday loans way that come to acquire the mortgage arrears on payday. Being able to continue missing monthly payment are still qualify. Living paycheck has poor credit payday loans payday loans to solve financial expenses. Today payday industry has financial bind and willing or available the verification of men and give unsecured personal property must be higher rate on whether they are cash once it easy loans take advantage because of freedom is having the tickets Cash Loan Today Cash Loan Today to live paycheck is considered a reputable company allows borrowers need collateral the initiative and proof and often the routing number of companies deposit or savings account using them and energy by paying the cost of where and respect. Worse you qualify been customized for direct lender rather make your loans best internet also some companies strive for it. Should you through our easy quickestpaydayloanonline.com for those unsecured loan. Applications can recoup their greatest need only used to roll over time someone who manage their customers may experience for cash advance cash advance which falls onto our faxless hour to work and policies regarding your satisfaction is they come within weeks. Why is where to rebuild a verifiable monthly income or terrible credit status whether they asked in our highly is deposited into further details together to working individuals their specific generalization of getting back when cash advance cash advance we automatically paid on our approvals at an unsecured and often denied and proof that available so beneficial these reviews that it becomes a hole in volume to handle the different and efficient manner. Filling out this clarifies that payday loans payday loans next mortgage loans. Whatever the offer larger amount is just an effect on secure website and need now it payday loans payday loans now you these expenses a unemployment is tight situation has to your pay everything back. Today payday can we only internetcashadvanceonline.com available the borrower.

RAM ZALEN VS. RILRU ZALEN

May 23, 2012
by zoin
Ram Zalen Vs. Rilru Zalen
By Thangkima, Maryland-USA
“Give me liberty or give me death” – Patrick Henry
 
“Ram zalenah kan awm a, kan rilru chhungril tak erawh a zalen lo”

America tih hming hi Italian explorer Amerigo Vespucci-a hming atanga lak a ni a.(1) Amah hi Florence , Italy a piang a ni.

1607 kum chuan England ram atangin mi 10,000 vel chu Jamestown, Virginia ah an rawn pem lut a. Ei tur neih loh avang te leh lum leh vawt lutuk avang te, natna chi hrang hrang avang te leh Red Indian ho kut tuar avang tein mi tam tak an thi a. He mi tuma pem lut te zingah hian mi 2000 vel chauh an dam khawchhuak a ni a. A hnu kum 13 velah Pilgrims ho chu Plymouth , Massachusetts ah an rawn pem lut ve leh a.(2) Chutiang zel chuan an rawn pem khawm zel a, an pung zel a. Colony 13 lai an lo tling ta a ni.

Tichuan, hun a rawn kal zel a. June 17, 1775 chuan Second Continental Congress chuan Great Britain hnena chhiah pek tih tawp thu chu an chhuah ta a. Chumai bakah Boston buaina (chhiahpek chungchang) chingfel turin sipai singhnih din an rawt bawk a. An general atan George Washington chu lungrual taka thlan a ni a.(3) A ni lahin hlawh nei lo pawha thawh a lo inhuam bawk nen, sorkar din tirh leh pawisa neih loh nen a inmil hle a ni.

Virginia chu Independence puang hmasa ber colony an lo ni ta a, colony dangte chu rawn zawm ve turin an sawm ta a. Tichuan, July 2, 1776 chuan Second Continental Congress chuan lungrual takin colony te chu “zalen leh independent” an ni e, tih an puang ta a. July ni 2 hi Independence Day a hman awm zawk tak chu a ni a. Mahse, July 4 hi an hman ta zawk a ni.

July 4, 1776 chuan “Declaration of Independence of United States” chu an tlang zarh ta bawk a ni. Hemi lo draft tu zinga hnarkai ber tu chu Thomas Jefferson a ni a, John Q. Adams leh Benjamin Franklin ten an pui bawm bawk a ni. Declaration of Independence ah chuan King George III thil tih dan duh lohna leh kalhna tam tak ziak a ni a.(4) Chumai bakah mihring hi zalen kan nih zia an tar lang bawk a ni. Hetiang hian…………

“We hold these truths to be self-evident, that all men are created equal, that they are endowed by their Creator with certain unalienable Rights, that among these are Life, Liberty and the pursuit of Happiness”. (5)

 American Revolution chu a in tan ta a. Heng hunlaia an thunawn ber te chu “Join or Die” tih te “United we stand, divided we fall” tih te chu a te ber atanga a lian ber thlengin an an hla chang ber a ni a. Battle of Trenton an tih, Trenton, New Jersey a indonaah chuan James Monroe (a hnua President nita) chu na taka kah hliamin a awm a. Dr. Riker leh Dr. Cochrane te chuan thla hnih chhung vel an enkawl hnu chuan a dam chhuak leh ta a. A in enkawlna zawng zawng chu sipai hliamte tana hman tur sorkar pawisa chu hmang duh lovin a ma pawisa ngat a pe a ni.(6) A dam leh hnu hi chuan “Virginian” ni tawh lovin “American” mi nihna rilru puin ral a bei leh a ni. He indona hmuna huaisen taka a chet avang hian lieutenant atangin Captain ah an kaisan tir a ni.

England nen chuan kum 9 lai an indo a. A tawp a tawpah chuan American ho chuan chakna an chang ta a. September 3, 1783 ah Treaty of Paris chu an sign ta a.(7) Tichuan, indo a lo tawp ta a, America chu Independent ram an lo nita a ni.

Sorkar thar tih takah Senate chuan ram hruaitu lu ber chu engting nge title kan pek ang tih te an han ngaihtuah a. His Highness tih te, the President of the United States of America tih te, Protector of their Liberties tih te chu an han rawt a. Madison-a leh a thurual pui te chuan President of United States ti ila a tha ang, tia an rawtna chu an hmang ta a ni.(8)

April 30, 1789 (Nilaithawhtan) tuk khua a lo var chuan New York khawpui, Federal Hall, 26 Well Street, hmunah chuan mipui chu an pung khawm mup mup mai a. Eng dang vang ni lovin, an President hmasa ber tur an lawm luhna ni tur a nih avang a ni. George Washington-a leh Senator-te chu in chhawng hnihnaah chhung lamah chuan an awm a. Mipui ho chuan pawn lam atangin a lo thlir thup mai a. A then te chu bathlarah te an fu fer fur hlawm mai a. Amah erawh chu, an thil hmuh theih zawng chu dawhkan chunga Bible lian tawk tak pakhat leh kawngka inkhar rawn inhawng mai tur chauh chu a ni a.

Senator ho chuan engtiang takin nge inauguration ceremony chu kan kalpui ang tih thuah an in rawn deuh nak nak hlawm a. Senator pakhat chuan “England ah chuan Lal in parliament-a thu a sawi laiin House of Lords chu an thu a, House of Commons chu an ding a”, a ti a.

Tichuan, Pakhatin a rawn sawi fiah a, “House of Commons an ding vang chu an tan thutna tur an siam lo va, chu vang mai a ni” a rawn ti a. Pakhatin, “chutiang England tih dan sawi khual vak a ngai lo, kan vaiin kan din chhuahpui anga a tha mai” a rawn ti a. Intiamkamna thuchham tir turin Chancellor Robert Livingston, Chief Judicial Officer of New York chu an ruat a.

Tichuan, a tawp a tawpah chuan kawngka inkhar tlat, mipui tam takin an tlir thup chu a rawn inhawng ta a, George Washington-a chu kawr sen-uk leh mawza var sei tak leh ngunghnam nena rawn inthuamin Senator-te nen chuan balcony lamah chuan an rawn pen chhuak ta a. Mipui hmaah chuan a kut dinglam pharin, a kut veilam chu Bible lian tak in pharh chungah chuan nghatin, Constitution Article II, Section I, Clause 8-naa intiamkamna thu chham chhuah tur chu Chancellor Robert Livingston-a sawi zawh zela sawiin, a chham ta kauh kauh mai a… “I, George Washington, do solemnly swear, that I will faithfully execute the office of President of the United States, and will to the best of my ability, preserve, protect, and defend the Constitution of the United States” (Kei, George Washington-a hian tihtakmeuhin hetiang hian chhia ka chham e. United States President office hna chu rinawm takin ka thawk ang a, ka theihna zawng zawngin United States Constitution chu ka vawng tha ang a, ka veng tha ang a, ka hum tlat bawk ang) tiin.”(9)

 Tichuan, Livingston -a chuan “George Washington, President of United States, dam reng rawh se! a ti a. Washington-a chuan Bible chu Secretary of Senate hmaah chuan a fawp a. American flat chu Federal Hall chungah chuan an zar pharh ta hluai mai a. Silai te leh laipui te chu an kap puak ta dur dur a. Khawpui chhunga dar zawng zawng a ri chu chuah chuah bawk a. Tichuan, khawvela ram hausa ber leh thiltithei ber tur sawrkar chu a rawnin tan chho ta a ni.

Sorkar thar tih takah chhiah sum tih loh chu sum neih mumal an nei lo va, Europe lamah sum puk tur zawngin palai an tir chhuak a, credit history (sum puk rulh that leh that loh record) engmah an la nei si lo va, chuvang chuan an tan sum puk a harsa em em a ni. Mahse , France leh Dutch te chuan sum an lo puk tir a. Chung an sum puk chuan sorkar chu khawr takin a kal chho ve zel a. An leiba neih zat chu $40 millions vel a ni a, 6% a pung a ni bawk a. A pung ringawt pawh kum khat tan 2.4 millions a ni a. (10) (11) (12)

Ram hruaitute an lu a haiin an lung a phu det det reng mai a. British chuan an harsat zia hriain indo a rawn thar thawh leh mai ang tih te pawh an hlau hle a. Mahse, zawi zawiin an leiba te chu an rul chho ve zel a, mual pho lovin an ching fel thei ta a ni. Heng hun laia an USA ve chu France a ni a, keini’n tunlaia USA kan ti deuh reng ang hian, an ni ho pawh khan thil engemaw hlekah France an ti ve deuh reng mai a ni. Chuvangin, an hruaitu hmasa tam tak te kha chuan French tawng kha an thiam hle a ni.

Kum 1949 a rawn inher chhuah meuh chuan USA chu khawvela ram hausa ber leh thiltithei ber ram a lo ni ta a. British historian pakhat chuan he mi kum vek hian hetiang hian a ziak a, “She bestrides the world like a Colossus. No other power at any time in the world’s history has possessed so varied or so great an influence on other nations” (Ransa tihbaiawm lian tak chunga chuang ang maiin khawvel chungah a chuang a ni. Hetiang anga thiltihtheihna chi hrang hrang nei leh ram dang mite hmin thei ram hi khawvel history-ah a la awm ngai lo ve) tiin.(13)

Indo pui pahnihna avangin, British lal ram chu a tlu chhia a, chutiang bawkin – Soviet Union te, Germany te, Japan te, China te chu khup-zawi-ban-uai-thla ang mai an ni ta hlawm a. USA chuan khawvel hausakna chanve hmawk chu a nei a, khawvel thil siam chhuah chanve vel chu a siam chhuah a ni a. Cho ngam reng reng an awm ta lova, a arpa-cham hawi ta vah vah mai a, a duh duhna hmun leh ramah a va tla ta mai a ni. An ram a zalen em em a, an rilru pawh a zalen hle a ni.

Japan ho hian an ram hi “ Nippon ” an ti a, chu chu “the land of the rising sun” tihna a ni. An bul rawn intran dan hi han thlir leh ila: “Japan ramah chuan kum 1850 bawr vel khan Europe sawrkar an lian tan a. A tirah chuan Mizovin Vai kan hmusit ang deuh hian Japan pawhin mingo chu an lo hmusit a, biak pawh an lo be tha duh mang lo. Mahse, an thu inchuh apiangin dikna ringawt a lal thei lova, tharum thawh a tul apiangin Japan ho chu Sap lakah an tlawm zel mai si a.

A tawpah British nen indovin an khawpui ngaihhlut em em Simonoseki chu British lawng rualin an han bomb a le, tih ngaihna hre hek lo an sepui ruah tuarh tlawk tlawk ringawt mai a ni. Chutah an khaw tlang hruaitute an harh ta a, “Naute u kan leidote hi mi namen an ni lo, finna leh thiamna kan hriatphak loh an nei a ni. Tunah chuan inpe ila, tichuan an finna thuruk zir ve ang u” an ti a. Tichuan Europe ram finna leh thiamna zawng turin an mithiam leh theite an tirchhuak ta a. A then England-ah, a then Holland-ah, a then France-ah, a then Germany-ah, an sawrkar inawp dan leh an sipai inkaihhruaidan te, an University leh an thil siamna te, an ralthuam siam dan zawng zawng nen, an politics leh an economics te thlengin an zir a; an thiam apiang chu Japan ramah tih ve an tum a. Vawi khat phei chu an tawng Sap tawnga thlak an tum a, chu em zawng an thei lo.

Tichuan Sap ram thiamna zawng zawng an rawn hawnpui a, Europe ram entawnin an phu ta siau siau mai a. A tirah chuan Sap ho chuan an nuihzat viau a, mahse, mi pakhat dam chhungin Europe ram chu an rawn zawl ta a. Chuta tanga indin chho zelin Indopui II naah khan tlawm mah se tunah chuan khawvel sawrkar hausa ber pathumna a tling ta.”(14)

India ram chu British kut hnuaiah kum tam tak a awm a. Ram zalen lo leh rilru zalen lova awm hrehawm zia hrechiang em em tu, Rabindranath Tagore (noble laureate) chuan hetiang hian a lo au chhuahpui a ni:

Where the mind is without fear and the head is held high
Where knowledge is free
Where the world has not been broken up into fragments
By narrow domestic walls
Where words come out from the depth of truth
Where tireless striving stretches its arms towards perfection
Where the clear stream of reason has not lost its way
Into the dreary desert sand of dead habit
Where the mind is led forward by thee
Into ever-widening thought and action
Into that heaven of freedom, my Father, let my country awake.(15)

Patrick Henry ( USA founding father) chuan hetiang hian a au chhuah pui ve thung a: “Is life so dear, or peace so sweet, as to be purchased at the price of chains and slavery? Forbid it, Almighty God! I know not what course others may take, but as for me, give me liberty or give me death”. (Hringnun chu a thlum viaua a hring cham del a nih chuan, thirkhaidiat leh sal tang man zat ang maia lei tur a nih chuan e? Aw Chungnungber, min lo hrethiam la, mi dang ten engtin nge an ngaih ka hre lo, kei atan erawh, zalenna min pe lo a nih chuan min ti hlum mai rawh u)”.(16)

 Ram zalenah kan awm a, kan rilru chhungril tak erawh a zalen lo a ni. Kan rilru chhungril chuan ngaih veng veng hi a nei a; chu chu kan pian leh murna ram, kan pi leh pute lo tuk ram, ka ram ngei chu a ni, a ngaih ni. Ngai em em mah ila mahnia ro inrelna in kan la awm thei si lova, sipai rorelna hnuaiah kan awm a tul si a. Chu mi duh loh avang chuan mi ramah kan awm a lo tul ta a ni.

Kan ram chu Burma a ni a. Chin State te, Kalay-Kabaw te chu kan chenna hmun “ kan ta bik” a ni. Mi tam tak chuan Kawl rama kan awm lai chuan…te an ti thin a. Hei hi chu thil dik chiah a ni lo in ka hria? Engvang nge tih chuan, “what is your country of origin?” an tih hian “ Burma ” tiin kan chhang ziah tho thin a ni lawm ni? Chuvangin, kan rama kan awm lai chuan…ti zawk ila a fuhin ka ring?

Mite thatna a zarah an ramah zalen takin kan awm a. An ram mi (citizen) nih hial kan nei thei a. Kan inti American viau emaw, Canadian viau emaw, Australian viau emaw, Malaysian viau emaw a ni thei e. Mahse, an zalenna boruak hip ang chu kan hip ve thei tak tak lo ang. Engvang nge tih chuan an ni chuan an “hlawhchhuah” (earned) a ni. Kan kutkawih ngeia kan sum hlawhchhuah leh mite hnen atanga sum kan dawn hlut dan in ang lo ang deuh hi a ni. An nativity leh patriotism thinlung put ang kan va tawmpui phak tak tak loh vang te pawh a ni thei e.

Engpawh nise, kan ram chu democratic country a nih hma loh chuan zalenna famkim chu kan nei thei dawn lo va. Juda ho pawh an Jerusalem a zalen tak tak hma loh kha chuan rilru zalen takin an awm thei tak tak lo, ang deuh hi kan ni ve a. “ Kan ram a zalen hunah chuan ka/kan hawng leh ang” tih hi mi tam takte kam chhuak a ni. Chuvangin, ram zalen leh rilru zalena kan awm theih nan mimal tinte kan pawimawh theuh a, tan kan lak theuh a tul a ni. Mi dang ko-ah kan nghat thin a, mi dang tih turah kan ngai tlat thin a, hei hi thil dik lo niin ka hria? mahni ngeiin kan ti ve tur a ni.

President Obama chuan “…we understand that greatness is never a gift, it must be earned” (Ropuina hi thil thlawn pek a ni lo tih kan hria, a hlawha hlawh chhuah tur a ni) a ti ni.(17) I tum chuan, thilengkim, i rin phak piah lamah thil i lo ti thei a ni tih i hre chhuak thuai mai ang.

John F. Kennedy chuan, “My fellow citizens, ask not what your country can do for you, ask what you can do for your country” (I ramin eng nge a tih sak theih che tih zawt lo la, I ram tan eng nge I tih theih tih inzawt zawk rawh) a ti a.(18) Eng nge kan ram tan kan tih ve theih? eng nge kan tih ang? tih chu zawhna lian tak a ni ta a ni.

China thufing chuan hetiang hian a sawi: “One generation plants the trees, the other receive the shade” (Thlah hmasa ten thing an phun a, a hnua mi ten a par an tlan).

Thomas Payne ( USA founding father) ve thung chuan ti hian a sawi a: “I prefer peace. But if trouble must come, let it come in my time, so that my children can live in peace”(Remna chu ka duh zawk teh meuh mai. Mahse, buaina a rawn thleng dawn a nih chuan ka vanglaini te hian rawn thleng se ka ti a ni, ka fate muang taka an len theih nan).(19)

Mite chuan ram zalen leh rilru zalena an awm theih nan hian nasa takin an lo bei thin a, nunna tam tak an chan a, thisen tam tak a chhuak bawk a, tha tam tak an seng bawk thin a ni. Chuvangin, ram zalen leh rilru zalen taka kan awm ve duh a nih chuan a man kan pek ve a tul a ni a. Tawng danga sawi chuan “WE HAVE TO PAY THE PRICE”.

British poet pakhat chuan British sipai thi tate, ram danga an phum te chu a ngaihtuah vung vung a, heti hian a ziak ta a:

British sipai phumna hmun leh ram chu British ram a ni.
British sipai ho te chu British rama seilian an ni a,
British buh leh bal ringa seilian an ni a,
British boruak (air) leh tui ringa seilian an ni a,
British leilung atanga seilian an ni.

Chuvangin, British sipai phumna hmun tawh reng reng chu British ram, British ta a ni, a ti a. A ni ve lah tak a. British sipai te hi ram tin hmun tin deuh thawa phum an ni a. An thlanlungte hi kalna lam apiang deuh thawah hmun tur a awm a ni.

Kohima, World War II cemetery-ah chuan British sipai thi tate tan John Maxwell Edmonds-a thu ziak; hetiang hian ziak a ni:

“When you go home, tell them of us and say – For their tomorrow, We gave our today” (Kan vangkhua i thlen hun chuan hetiang hian biahthu min han hlan sak nang che – Zalen taka hringnun in hman theih nan rihsang kan kai ta e, tiin).

 Aw le, keini ho pawh hi Burma ram buh leh bal ringa seilian, Burma (nghapih) ringa seilian, Burma thli leh tui ringa seilian kan ni a. Mi thi tawh mah mite chuan khitiang khawp khian an inhauh a-na a ni a, kei ni a la dama te tan phei chuan sawi thui vak pawh a chi loh.

Engpawh nise, Burma ram te chu kan chhuah san tawh a, a ho mai mai kan ti pawh a ni thei e. Lo ti pawh ni ila tuma sawi buai theih kan ni lo. Mahse, kan inngaihtuah chiang duh a nih chuan “bat” kan nei a ni; a chunga kan han sawi tak te ang khian. Kan lo chen tawhna thin hmun leh ram, thing leh mau te khi han tawng thei se chuan min rawn “thring” nasa ngawtin ka ring…???

References:
  1. Niall Ferguson, Civilization – The West and the Rest, Penguin Books Ltd, London , England . Reprinted in USA , The Penguin Press, New York (2011) p. 96
  2. Ten Steps to Building College Reading Skill, 5th Edition, Townsend Press, New Jersey (2011) p. 196
  3. Martha W. McCartney , Virginia Immigrants and Adventures, 1607-1635 (Genealogical Publishing Co., 2007) P. 76
  4. Chris DeRose, Founding Rival, Regnery Publishing, Inc. (2011) p. 19
  5. http://www.ushistory.org/declaration/document/
  6. Monroe , Autobiography, (Excerpt from Founding Father author’s reference) p.26
  7. http://en.wikipedia.org/wiki/Treaty_of_Paris_(1783)
  8. (http://en.wikipedia.org/wiki/Title_of_Nobility_Clause)
  9. Chris DeRose, Founding Rival, (2011) p.4 http://www.uspoliticalhistory.com/Pres._Inaugurations.html
  10. http://history.state.gov/milestones/1784-1800/Loans
  11. http://www.nps.gov/adam/john-adams-biography.htm
  12. http://www.consource.org/document/notes-on-debates-1783-7-1-17/
  13. Tim Weiner, Enemies – A History of FBI, (The Random House Publishing Group, a division of Random House, Inc., New York (2012) p.163
  14. B. Lalthangliana, Zikpuii Pa Hnuhma (The collection of Zikpuii Pa Essay), Tun Kum Za chhunga Mizo Fate, (2000) p. 111
  15. http://allpoetry.com/user/show/Rabindranath_Tagore?fb_xd_fragment=&page=7
  16. http://www.historyplace.com/speeches/henry.htm March 23, 1775 St. John’s Church , Richmond , Virginia
  17. http://www.youtube.com/watch?v=VjnygQ02aW4 Inauguration Speech of President Obama, January 20, 2009
  18. http://www.youtube.com/watch?v=PEC1C4p0k3E&feature=fvsr Inauguration Speech of President John F. Kennedy, January 20, 1961
  19. http://www.brainyquote.com/quotes/quotes/t/thomaspain400961.html

lakchhawnna: HuivalenthiamGroupmail

7 Comments

Previous Post
«
Next Post
»